પ્રમુખશ્રી નું નિવેદન...

🌹🌹🙏 જય માતાજી  🙏🌹🌹

“સુરત મૈસુરીયા ભાટીયા નાયી સમાજ” એ દેશ-વિદેશમાં પોતાની આગવી ઓળખ ઊભી કરી છે.સમાજ દ્વારા થતી વિવિધ સામાજિક તેમજ સેવાકીય પ્રવૃતિઓની માહિતી હાલની સૌથી શક્તિશાળી માધ્યમ વેબસાઈટ પર પ્રકાશિત કરતા હર્ષ અને આનંદની લાગણી અનુભવું છુ. સમાજ દ્વારા દર વર્ષે આયોજન કરવામાં આવતા વિવિધ કાર્યક્રમો તથા કાર્યોની રૂપરેખા આધુનિક ટેક્નોલોજી દ્વ્રારા ખૂબ જ ઝડપી માહિતી સમાજબંધુઑ ઘરે બેઠા મેળવી શકશે.

સમાજની દરેક પ્રવૃતિને સફળ બનાવવા મારા સાથી હોદ્દેદારો, કારોબારી સભ્યશ્રીઓ, તેમજ સમાજબંધુઓ તરફ થી ખુબજ પ્રશંસનીય સહકાર મળે છે. વધુમાં આ માટે વિવિધ પ્રકાર ના દાન દ્વારા દાતાઓએ પણ સમાજને મજબૂત કરવા આપેલ સહકાર અમૂલ્ય છે. જે દાતાશ્રીઓના દાન થકી આપણો સમાજ વિકસિત થઈ રહયો છે. સામાજિક પ્રવૃતિઓ માટે દાતાશ્રીઓ તરફથી મળતો અવિરત ધોધ વહેડાવી સમાજને અન્ય સમાજની હરોળમાં લઈ જવા માટેના પ્રયત્નોને બિરદાવી તેમનો આભાર વ્યક્ત કરું છુ.

વર્તમાન સમયમાં માનવ માનવ વચ્ચેનું અંતર વધી રહ્યું છે અને માનવીઓના મન પણ ટુકા થઈ રહ્યા છે, સમાજ આ તમામને એક તાંતણાથી જોડવાનું કામ કરી રહ્યું છે. દેશ-વિદેશમાં ચારે બાજુ પથરાયેલા સમાજને ધંધાકીય લાભ થાય અને યુવા પેઢીને પોતાના મનગમતા જીવનસાથી મળી રહે તે હેતુથી તથા વ્યાપાર ધંધા ક્ષેત્રે આગળ વધે અને તેની સંપૂર્ણ માહિતી વેબસાઈટ પર મળી રહે તથા સામાજિક પ્રવૃતિની માહિતી સમાજના છેવાડાના માણસો સુધી પહોંચી શકે તે હેતુથી વેબસાઇટ શરૂ કરી છે. જે સમાજમાંથી આવ્યા છે તે સમાજનું ઋણ અદા કરવા આપણે સૌ સાથે મળીને સમાજને શૈક્ષણિક રીતે ખુબ જ આગળ લઈ જઈ વિકાસના પંથે લઈ જઈએ એજ આજના સમયની માંગ છે.

વિના સહકાર નહીં ઉદ્ધાર.

🌹-:સ્નેહાધીન:-🌹

પ્રમુખશ્રી અલ્પેશભાઈ સોમાભાઈ મૈસુરીયા તથા ટ્રસ્ટી મંડળ

મિશન

મૈસુરીયા ભાટિયા સમાજની વેબસાઈટ પ્રકાશિત કરતા હું આનંદ અને ગૌરવની લાગણી અનુભવું છું અને પરમકૃપાળુ શ્રી જવાલામુખી માતાજીને પ્રાર્થના કરું છું કે સહુ મૈસુરીયા ભાટિયા સમાજ માટે આ વેબસાઈટ ફળદાયી અને લાભદાયી નીવડે. આવા મિશનના કાર્યમાં મને જોતરવા બદલ શ્રી જ્વાલામુખી માતાજીને હું હ્રદયપૂર્વક વંદન કરું છું અને પ્રમુખશ્રી અલ્પેશભાઈ મૈસુરીયાએ મને આ કાર્ય માટે યોગ્ય ગણી મારો પરિચય કરાવ્યો તેથી તેમનો પણ ઋણી છું.

મૈસુરીયા ભાટિયા સમાજને વેબસાઈટના માધ્યમથી એક મંચ પર જોડવા માટે સમાજને મદદરૂપ બનવા શ્રી જ્વાલામુખી માતાજીએ મને નિમિત્ત બનાવ્યો તે માટે શ્રી જ્વાલામુખી માતાજીના ચરણકમળમાં સાષ્ટાંગ દંડ્વત્ત પ્રણામ કરું છું.

" સહુ મૈસુરીયા ભાટિયા સમાજના સભ્યોને અપીલ કરુ છું કે મારી સાથે આ મિશનમાં જોડાઈને વેબસાઈટમાં આપણા સમાજના સભ્યોની નોધણી કરાવીએ જેથી આપણે આ મિશનને જલ્દીથી સફળ બનાવી શકીએ."

શ્રી રાજેન્દ્ર બી.મૈસુરીયા અમરોલી,સુરત.